Kryeministri Zoran Zaev pret që deri nga mesi i vitit të gjendet zgjidhje për kontestin 25 vjeçar për emrin me Greqinë dhe në Samitin e NATO-s në qershor të aktivizohet ftesa për anëtarësim të Republikës së Maqedonisë.
Në deklaratë për televizionin bullgar ‘Nova’, Zaev theksoi se zgjidhja eventuale do të duhet të miratohet në referendum, transmeton Telegrafi Maqedoni.
“Referendumi duhet të jetë garanci shtesë edhe për miqtë tanë nga Republika e Greqisë, pasi me këtë definitivisht do të hiqen të gjitha dyshimet dhe populli do të qëndrojë pas zgjidhjes që do të pranohet. Jam i bindur se maqedonasit janë të gatshëm për këtë. Por, ende jemi në negociata dhe shpresoj se zgjidhja do ta ruajë dinjitetin e qytetarëve edhe të Greqisë edhe të Republikës së Maqedonisë”, tha Zaev.
Ai shpreson se të dyja ekipet negociatore do të arrijnë të dakordohen për zgjidhje të pranueshme për të dy palët për shkak se në fund zgjidhja duhet ta ruajë dinjitetin dhe identitetin e dy vendeve.
“Vetëm ashtu ndërtohen miqësi dhe kjo duhet të jetë në një bazë të përhershme dhe të qëndrueshme. Nëse bëhemi të mençur më herët ta zgjidhim problemin, do të arrijmë t’i kapim edhe perspektivat e këtyre vendimeve”, është shprehur Zaev në deklaratën për televizionin bullgar ‘Nova’./Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite