Kryeministri Zoran Zaev, me rastin e 28 shtatorit, Ditës ndërkombëtare të boshnjakëve u dërgoi urim pjesëtarëve të bashkësisë boshnjake në Republikën e Maqedonisë së Veriut.

Ai tha se Qeveria e Republikës së Maqedonisë Veriore do të vazhdojë të forcojë mundësitë institucionale për kultivimin dhe promovimin e interesave dhe veçorive kulturore të komunitetit boshnjak. Ndër tjerash potencoi se së shpejti qytetarët e këtyre dy vendeve do të mund të lëvizin vetëm me letërnjoftime.

“Sot, së bashku me ju, për herë të 13-të festojmë ditën që simbolizon kthimin e emrit kombëtar “Boshnjak” dhe emërtimin e gjuhës tuaj amtare si Boshnjake.

Miqtë e njohin njëri-tjetrin në telashe dhe janë anëtarët e komunitetit tuaj, boshnjakët, gjithmonë në të mirë, por edhe në të keqe, të cilët marrin pjesë aktivisht në jetën politike të Maqedonisë së Veriut dhe kontribuojnë dukshëm në ndërtimin dhe zhvillimin e institucioneve të vendit tonë.

Boshnjakët janë një pjesë integrale dhe e pandashme e pasurisë në shtetin tonë multietnik, multikulturor dhe multi-konfesional. Megjithëse janë pak në numër, ata janë një segment jashtëzakonisht i vlefshëm në konceptin “Një shoqëri për të gjithë”.

Unë jam veçanërisht i kënaqur me faktin që nga viti 2018, në mandatin tonë, e drejta për klasa të rregullta në gjuhën boshnjake u është rikthyer studentëve boshnjakë në arsim.

Ne gjithashtu do të formojmë këshillat kombëtarë të bashkësive më të vogla, në mënyrë që ju boshnjakët të vendosni se çfarë është e rëndësishme për ju. Do të jetë e njëjta gjë për komunitetet e tjera më të vogla etnike.

Sot, gjuha boshnjake është pjesë e programit të Televizionit Kombëtar dhe pikërisht këtu në Orizari është zhvilluar për dekada ngjarja e rëndësishme kulturore dhe sportive “Takimet e Boshnjakëve”.

Me këtë rast, vlen të përmendet se në ndërtimin e marrëdhënieve të mira me të gjitha vendet e rajonit, në vitin 2017 dhe 2018 vendi ynë dhe Bosnjë dhe Hercegovina nënshkruan një seri marrëveshjesh dypalëshe, nga të cilat veçoj dy gjëra të rëndësishme:

– Së shpejti qytetarët e të dy vendeve do të fillojnë të lëvizin vetëm me letërnjoftime.

– Studentët nga Maqedonia në BH do të jenë në gjendje të studiojnë si studentë vendas dhe anasjelltas”, deklaroi Zaev.