Përkundër qëndrimit të prerë të Vjosa Osmanit se Minishengeni Ballkanik është jo gjithëpërfshirës dhe i pafavorshëm për Kosovën, Kryeministri i Maqedonisë së Veriut Zoran Zaev e cilëson atë një iniciativë që i shërben të gjithë rajonit.
Nga fshati Pustec, aty ku vizitoi një shkollë të rinovuar me fondet shqiptaro – maqedonase, Zaev bëri të ditur se në Janar do të ketë një tjetër thirrje për bashkimin e Kosovës në Minishengen.
“Kjo është një iniciativë që duhet të vazhdojë sepse të mirat janë të dukshme dhe po punohet për lëvizjen e lirë të shtetasve të rajonit. Po presim të bëhet pjesë edhe Kosova sepse nga projektet në infrastrukturë përfiton i gjithë rajoni. Ne do të takohemi në Janar dhe duam t’i bëjmë thirrje Kosovës t’i bashkëngjitet iniciativës. Shpresoj që pas saj, të bashkohen me ne Mali i zi dhe Bosnjë-Hercegovina”.
Zaev komentoi edhe vendimin e BE që vendosi në Nëntor të mos çelë negociatat e integrimit për Shqipërinë dhe Maqedonine e Veriut.
“Edhe pse morëm një zhgënjim nga Bashkimi Europian, ajo është rrugëdalja e vetme e shteteve tona, pra integrimi në BE, dhe të dy shtetet meritojnë të vazhdojnë këtë rrugëtim. Ne po punojmë me Bullgarinë që të zgjidhim probleme të vogla në aspektin e historisë”.
Lidhur me situatën e koronavirusit, Zaev tha se nuk do të ketë masa shtesë mes Maqedonisë së Veriut dhe Shqipërisë për pjesën e lëvizjes.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...