Xhaferi: Ligji për regjistrimin e popullsisë pas 18 janarit do të vendoset në seancë

13:00 | 29 Dhjetor 2020
A. B.

Kryetari i Kuvendit të Maqedonisë së Veriut, Talat Xhaferi, sot në një takim me gazetarët tha se pandemia ka ndikuar dhe e ka rënduar punën e shtëpisë ligjvënëse.

Ai tha se si rezultat i realitetit të ri, u anuluan edhe zgjedhjet kuvendare, ndërsa foli edhe për ligjin për regjistrimin e popullsisë.

“Në lidhje me ligjin e ri për regjistrimin, ai do të vendoset në seancë pas 18 janarit. Ligji i përmbush kushtet për zbatimin e regjistrimit, ndërsa zbatimi i plotë do të varet nëse deputetët do të dorëzojnë amendamente dhe puna praktike në terren”, tha Xhaferi.

Ndryshe, Kuvendi do të vazhdojë me punë pas 11 janarit, ndërsa seanca e re do të caktohet për më 18 janar./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm