Google ADS

Xhaferi: Hapat e ardhshëm për Ligjin e gjuhëve në pajtim me Kushtetutën dhe Rregulloren

21:15 | 8 Mars 2018
Arbresh.info

Kryetari i Kuvendit Talat Xhaferi nuk precizon se cilët do të jenë hapat e ardhshëm në lidhje me Ligjin e gjuhëve, por vetë tha se do të jenë në pajtim me Kushtetutën dhe Rregulloren e Kuvendit.

“Në lidhje me këtë çështje, kryetari i Kuvendit nuk ka plane A, B, C dhe D, por ai para vete ka Kushtetutën dhe Rregulloren për punën e Kuvendit dhe kjo do të thotë se të gjitha hapat janë rregulluar atje. Kryetari nuk ka asnjë përgjigje, por zbaton Kushtetutën dhe Rregulloren”, tha Xhaferi gjatë vizitës së sotme në Komunën e Tetovës, përcjell Telegrafi Maqedoni.

Ndërsa kryetarja e Tetovës Teuta Arifi, tha se nuk ka asnjë problem dhe pengesë që ligji edhe një herë të votohet si në të kaluarën. Sipas saj, nuk ka nevojë për konsenzus të zgjeruar.

Ajo tha se nuk ka krizë në koalicionin qeveritar, ndërsa sa i përket mbledhjeve dhe bashkëpunimit ndërpartiak, ajo tha se BDI-ja çdo herë ka qenë e hapur për këtë.

Shpërndaje në rrjete sociale

Lajmet më të lexuara

Të ngjashme

Foto lajm