Vuçiq takohet me Palmer, ende nuk dihet për çka u bisedua

11:19 | 10 Qershor 2019
V. S.

Presidenti serb, Aleksandar Vuçiq është takuar sot me zyrtarin e lartë të Departamentit amerikan të Shtetit, Matthew Palmer.

Ende nuk ka detaje rreth asaj se për çka është biseduar në takim, mirëpo mediat serbe raportojnë se padyshim që njëra nga temat e takimit është zgjidhja e çështjes së Kosovës.

Zëvendësndihmës Sekretari i Shtetit për Evropën Mattheë Palmer ishte takuar me Vuçiqin në tetor të vitit të kaluar, kur ai tha se SHBA-ja e mbështet dialogun midis Beogradit dhe Prishtinës në mënyrë që të arrihet një marrëveshje që do të çojë në normalizimin e plotë të marrëdhënieve, dhe se Washingtoni është i angazhuar për të siguruar që Serbia përparon dhe bëhet anëtar i BE-së, transmeton Klan Kosova.

Takimi u mbajt rreth dy javë para takimit të Parisit ku do të diskutohet për Kosovën./klankosova.tv/

Shpërndaje në rrjete sociale

Lajmet më të lexuara

Të ngjashme

Foto lajm