Presidenti serb Aleksandar Vuçiq, i cili kryeson delegacionin e Serbisë në sesionin e 72-të të Asamblesë së Përgjithshme të OKB, sot do të ketë një sërë takimesh dypalëshe.
Kreu i shtetit serb do të marrë pjesë në pritje që organizohen ndaras nga Sekretari i Përgjithshëm i OKB Antonio Guterres, Presidenti i SHBA-së, Donald Trump dhe zyrtarët e lartë të BE-së.
Para hapjes së debatit të përgjithshëm, i cili bashkon më shumë se 100 liderë të botës, Vuçiq do të marrë pjesë në pritjen, e cila do të organizohet nga njeriu i parë i OKB-së Antonio Guteres për krerët e delegacioneve.
Pos Vuçiqit, në punimet e Asamblesë së KB-së do të jetë i pranishëm edhe Presidenti i Kosovës, Hashim Thaçi i cili në këtë vizitë do të jetë i shoqëruar nga Zonja e Parë e shtetit, Lumnije Thaçi.
Gjatë qëndrimit në Amerikë, edhe numri një i Kosovës pritet të ketë një takim të shkurtër me homologun e tij amerikan, Donald Trump.
Thaçi do të zhvillojë takime të shumta bilaterale edhe me krerë të shteteve dhe udhëheqës të organizatave të ndryshme ndërkombëtare.
Pjesë e delegacionit të Kosovës është edhe zëvendëskryeministri njëherit ministër i Jashtëm, Behgjet Pacolli.
Analistët: Përdorimi i raketave të shpejta nga Rusia, sinjal...
Ndodh edhe puthja e shumëpritur mes Lelës dhe Leos
Real Madridi mund të futet në garë për Lookman, por çmimi i ...
Pas tërheqjes së Matt Gaetz, Trump emëron Pam Bondin për pos...
Horoskopi, çfarë kanë parashikuar yjet për shenjën tuaj sot
Shënohet Dita e Alfabetit të Gjuhës Shqipe