Google ADS

Vuçiq: Na lëndoi shumë njohja e Kosovës nga Izraeli

15:00 | 8 Shtator 2022
K.B

Presidenti i Serbisë,  Aleksandar Vuçiq ka thënë se është lënduar shumë nga njohja e pavarësisë së Kosovës nga shteti i Izraelit.

Këto deklarata ai i ka bërë në një intervistë për “Jerusalem Post”.

“Unë gjithmonë do t’i konsideroj hebrenjtë si miq të vërtetë të serbëve, që do të jenë gjithmonë në të njëjtën anë të historisë. Dhe po, Izraeli e njohu pavarësinë e Kosovës, gjë që na lëndoi shumë. Por ne bëmë të pamundurën për ta kapërcyer atë situatë. Dhe shpresoj se do të jemi në gjendje të rindërtojmë marrëdhëniet tona me mirëbesim dhe se do të jemi në gjendje të krijojmë besim dhe besim të vërtetë midis dy kombeve tona”, u shpreh Vuçiq.

Kosova dhe Izraeli formalizuan marrëdhëniet diplomatike në shkurt të vitit të kaluar, vendim i cili nga të dyja shtetet u cilësua si “historik”. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm