Google ADS

Vuçiç: Nuk duam t’bashkohemi me NATO-n, duam armët ruse

21:48 | 8 Dhjetor 2017
Trina Galanxhi

Presidenti i Serbisë, Aleksandar Vuçiç në një intervistë për “Tas” ka theksuar se Serbia është në rrugën europiane, por nuk ka ndërmend të bashkohet me NATO.

Në të njejtën kohë, ai tha se Serbia ka në plan të blejë të paktën gjashtë helikopterë ushtarakë rusë dhe sisteme të mbrojtjes ajrore, shkruan “B92”, transmeton portali arbresh.info

“Serbia është në rrugën europiane, por dallimi midis Serbisë dhe vendeve të tjera në rajon është se Serbia nuk dëshiron të bashkohet me NATO. Ne kemi zgjedhur rrugën e neutralitetit ushtarak dhe kohët e fundit u thashë liderëve të NATO-s, se ne nuk e fshehim këtë”, tha ai.

Në intervistën me median ruse, ai kujtoi se Serbia kishte marrë gjashtë aeroplanë ushtarakë MiG-29 rusë.

“Përveç kësaj, ne duam të blejmë armë, të paktën gjashtë helikopterë transportues ushtarakë dhe sisteme ajrore mbrojtëse”, tha ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm