Google ADS

VMRO-DPMNE kushtëzon zhbllokimin e Kuvendit me shpërbërjen e tij

19:33 | 29 Mars 2017
Arbresh.info

VMRO-DPMNE-ja do ta zhbllokojë zgjedhjen e kryeparlamentarit të Maqedonisë, vetëm në rast se merr garancën që ai do të shpallë menjëherë zgjedhje të parakohshme parlamentare.

Në seancën konstituive të Kuvendit të Maqedonisë, deputetët e partisë së Gruevskit kërkuan që Deklarata e partive shqiptare të vlerësohet në zgjedhje nga qytetarët.

“Na jepni garanci që sot do ta shpërndajmë Kuvendin, sot do të zgjedhim kryetarin. Platformën që përfaqësoni ju e ka pranuar LSDM-ja, por le të dalë edhe në zgjedhje dhe nëse merr mbështetje, VMRO-DPMNE-ja nuk do të bëjë asnjë vërejtje për atë që diskutohet”, deklaroi deputeti Ilija Dimovski nga VMRO-DPMNE.

LSDM-ja kërkon zhbllokimin e procesit, gjegjësisht zgjedhjen e kreut të ri të Kuvendit dhe vazhdimin e proceseve demokratike, duke thënë që zgjedhjet e reja nuk garantojnë që presidenti Gjorge Ivanov nuk do të bllokojë përsëri formimin e Qeverisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm