Kërkesat bullgare janë në kundërshtim me vlerat evropiane dhe dalin nga korniza e Marrëveshjes për Fqinjësi të Mirë. Por, Maqedonia e VEriut do të vazhdojë të kërkojë zgjidhje të mençur për tejkalimin e dallimeve. Megjithatë, negociata për gjuhën dhe identitetin nuk do të ketë.
Kështu mund të përmblidhen shkurt reagimet e djeshme në lidhje me veton bullgare dhe ngjarjet në relacionin Shkup – Sofje.
Pala maqedonase akoma mendon se ekzistojnë mundësi për t’u mbajtur konferenca e parë ndërqeveritare nën kryesimin e Gjermanisë me BE-në, nëse kjo periudhë përdoret në mënyrë produktive.
Sipas ministres bullgare për Punë të Jashtme Ekaterina Zakharieva, mbështetja nga Bullgaria asnjëherë nuk ka qenë e pakusht.
Ajo mohoi se Bullgaria ka qenë nën presionin e Gjermanisë për të lëshuar pe në lidhje me kornizën negociuese.
Ndërsa për Këshillin e Ambasadorëve në Maqedoni, vetoja bullgare është akt joshembullor. Sipas tyre, nuk mund të zhvillohen marrëdhënie të mira ndërfqinjësore me mohimin e të kaluarës së popujve./Telegrafi/
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...
Ancelotti tregon hapur se ku qëndron problemi për fillimin e...