Google ADS

UEFA dënon sërish me shuma qesharake Federatën e Futbollit të Serbisë

23:37 | 19 Qershor 2024
E.G

UEFA të mërkurën ka dhënë dënimin për Federatën e Futbollit të Serbisë lidhur me shkeljet e bëra në ndeshjen kundër Anglisë në Euro 2024.

Shtëpia e futbollit evropian ia ka ndarë dy gjoba, por të ulëta Federatës Serbe të Futbollit dhe njëra ka të bëjë me flamujt provokues të shfaqur në stadium në humbjen 1-0 nga Anglia.Tifozët serbë kishin shfaqur flamurin e Serbisë mbi hartën e Kosovës dhe mbishkrimin “S’ka dorëzim”, ndërsa gjatë gjithë ndeshjes kishte edhe thirrje anti-shqiptare.

FFK paraqiti ankesë zyrtare në UEFA të hënën, duke dërguar edhe fakte, ndërsa sot shtëpia e futbollit evropian mori vendimet.

Për hedhje të gjësendeve, Federata serbe është gjobitur me 4500 euro.

Ndërkohë 10 mijë euro federata serbe duhet t’i paguajë për shfaqjen e mesazhit provokues, të papërshtatshëm për ngjarjet sportive, e cila me shumë gjasë bëhet fjalë për flamurin mbi hartën e Kosovës.

FSHF para dy ditësh ishte dënuar me 37 mijë euro nga UEFA. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm