Turqia dhe Serbia nënshkruajnë 12 marrëveshje bashkëpunimi

21:36 | 10 Tetor 2017
Arbresh.info

Presidenti i Turqisë, Recep Tayyip Erdogan dhe ai serb, Aleksandar Vuçiç, dhe ministrat e të dy vendeve nënshkruan sot në Beograd 12 marrëveshje mes Beogradit dhe Ankarasë.

Ministrja serbe e Ndërtimit, Komunikacionit dhe Infrastrukturës, Zorana Mihajloviç dhe ministri i Komunikacionit, Infrastrukturës dhe Detarisë i Republikës së Turqisë, Ahmet Aslan, nënshkruan deklaratën për bashkëpunim në sferën e komunikacionit dhe infrastrukturës mes dy vendeve.

Mes dy vendeve u nënshkrua edhe Memorandumi për Mirëkuptim në sferën e urbanizmit.

Deklaratën e përbashkët politike për themelimin e Këshillit të Lartë për Bashkëpunim mes Serbisë dhe Turqisë e nënshkruan presidentët e dy vendeve.

Ndërkohë, revizionin e Marrëveshjes për Tregti të Lirë e nënshkruan ministri turk i Ekonomisë, Nihat Zeybekçi dhe ministri i Tregtisë së Jashtme, Turizmit dhe Telekomunikacionit i Serbisë, Rasim Ljajiç.

Shpërndaje në rrjete sociale

Lajmet më të lexuara

Të ngjashme

Foto lajm