Marrëveshja me Greqinë garanton identitetin, sigurinë dhe stabilitetin, deklaroi koordinatori i Grupit Parlamentar të LSDM-së, Tomisllav Tuntev në konferencën për shtyp në Kuvend.

“Marrëveshja për të cilën duhet të qartësohet është akt patriotik. Kjo marrëveshje garanton identitetin. Shumë gjatë ishim në izolim, pa prosperitet pa ardhmëri për fëmijët tanë. Këto janë kohëra pozitive. Ajo me çka fitojmë nga marrëveshja është e pa çmueshme sepse garanton sigurinë dhe stabilitetin. Nënshkrimi është hapi i parë. Pastaj vazhdon ratifikimi, që do të sigurojë ftesën për në NATO dhe datë për fillimin e bisedimeve me BE-në. Sigurojmë mundësi për qytetarët që me referendum të vendosin për ardhmërinë e shtetit, këtë e meriton ky popull”, deklaroi Tuntev.

Në me bojkotimin e Kuvendit që e paralajmëroi OBRM-PDUKM-ja për marrëveshjen, Tuntev tha se partia opozitare duhet të pastrohet nga kriminaliteti në radhët e saja dhe të marr pjesë në procesin për të ardhmen evropiane, përcjell Telegrafi Maqedoni.

“Opozita e keqpërdoroi Kuvendin për të plasuar manipulime. Shpresojmë se OBRM-PDUKM-ja do të kthehet në Kuvend pas konsultimeve”, tha Tuntev duke shtuar se ratifikim të marrëveshjeve me flamur evropian, Maqedonia ka pasur edhe me shtete tjera, si Bosnja dhe Hercegovina dhe Gjermania.

Ai gjithashtu komentoi edhe rezistencën e Kryetarit të Shtetit Ivanov duke e këshilluar që të zbatojë Kushtetutën.