Tsipras: Vlerat evropiane ndonjëherë janë më të forta në Ballkan se sa në Bruksel

19:33 | 18 Tetor 2019
A. B.

Vlerat evropiane janë nganjëherë më të forta në Ballkan sesa në Bruksel, shkroi ish-kryeministri grek dhe drejtuesi i SYRIZA-s Alexis Tsipras në “Twitter”, duke shtuar se data e paspecifikuar për fillimin e negociatave të pranimit për Maqedoninë e Veriut është një mesazh dobësie dhe disfate për strukturat evropiane, informon AIM nga Athina.

“Vendimi i Këshillit Evropian për të refuzuar fillimin e negociatave të pranimit për Maqedoninë e Veriut është një mesazh i dobësisë dhe humbjes së strukturës evropiane. Nganjëherë vlerat evropiane janë më të forta në Ballkan sesa në Bruksel. Ne do të vazhdojmë të luftojmë për të ardhmen dhe unitetin e Evropës. Ne ia kemi borxh kombeve tona”, shkroi Tsipras në “Twitter”./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm