“Tronditet” Serbia: “Hakohet” një billbord në Valevë – shqiponja dykrenare kap për fyti atë serbe

14:05 | 19 Tetor 2024
K.B

Serbia është zgjuar e tronditur këtë të shtunë.

Kjo pasi, siç raporton B92, në një billbord të qytetit të Valevës (Valjevo), Serbi, është shfaqur një imazh i cili paraqet flamurin serb në një çosh dhe në anën tjetër shqiponjën dykrenare shqiptare në prapavijë të kuqe dhe me plisa në kokë, e cila e ka kapur për fyti shqiponjën serbe.

Fotografia është publikuar në Instagram në faqen “valjevo_live”.

“Billbordi në qendër të qytetit. Besohet se është hakuar dhe se kjo është një prej provokimeve”, shkruan në njoftim.

Ndërkaq, në komentet e këtij postimi, është paraqitur një person që pretendon se është pronar i billbordit në fjalë.

“Jam pronari i billbordit i cili mbrëmë është hakuar. Me të marrë vesh, e kam fikur të njëjtin, ndërsa rasti do të raportohet te organet kompetente”, ka shkruar ai.

Ende nuk ka një njoftim zyrtar se çfarë në të vërtetë ka ndodhur, mirëpo mediat në Serbi janë “tronditur”.

Më poshtë, titujt e mediave serbe për këtë rast.

Shpërndaje në rrjete sociale

Lajmet më të lexuara

Të ngjashme

Foto lajm