Tetovë, nxënësit e shkollave të mesme paralajmërojnë bojkot të mësimit për shkak të ndotjes së ajrit

14:48 | 29 Nëntor 2018
Arbresh.info

Nxënësit e shkollave të mesme në Tetovë kanë njoftuar se nga java e ardhshme do ta bojkotojnë mësimin, në se komuna më së voni për shtatë ditë nuk fillon të ndërmerr masa afatshkurte dhe afatgjate kundër ndotjes së ajrit.

Nxënësit thonë se kanë vendosur të protestojnë, pasi udhëheqësia e komunës nuk ka dashur t’i pranojë dhe dëgjojë kërkesat e tyre për ballafaqim me ajrin e ndotur, përcjell Telegrafi Maqedoni nga Telma.

Protestat e sotme të nxënësve përfunduan qetë dhe pa incidente, ndërsa pjesëmarrësit nuk morën asnjë paralajmërim për takimin me kryetaren e komunës, Teuta Arifi.

Ndryshe, edhe ditë më parë dhjetëra nxënës të shkollave në Tetovë kanë protestuar kundër ndotjes së ajrit.

Shpërndaje në rrjete sociale

Lajmet më të lexuara

Të ngjashme

Foto lajm