Google ADS

Të gjithë udhëtarët nga Brukseli shkojnë në shtëpi, testet për coronavirus dolën negative

11:45 | 18 Mars 2020
Arbresh.info

Me fluturimin nga Brukseli mbrëmë në Aeroportin Ndërkombëtar të Shkupit zbritën më shumë se 100 pasagjerë, të cilët më pas u testuan për infektim të mundshëm nga coronavirusi.

Testet për të gjithë 103 pasagjerët mbërritën rreth 30 minuta pas mesnatës, pas së cilës doli drejtori i TAV, i cili ishte në ndërrim dhe tha që të gjitha testet ishin negative.

Pasagjerët nga Brukseli u lejuan të shkonin në shtëpi në orën 02:00 të mëngjesit.

Atmosfera në aeroportin e Shkupit mbrëmë ishte shumë e tensionuar. Në dhomën e pritjes jashtë kishte familjarë të udhëtarëve që prisnin rezultatet dhe shumë të shqetësuar për tërë situatën nuk mund të mbanin lotët.

Ndryshe, edhe sot pritet të aterrojnë disa fluturime në Shkup, ndërsa nga mesnata nuk do të ketë fluturime komerciale, por do të lejohen vetëm ata ushtarake dhe që bartin ilaçe.

 

Shpërndaje në rrjete sociale

Lajmet më të lexuara

Të ngjashme

Foto lajm