Kërcënimet dhe sulmet hibride me të cilat përballet Maqedonia e Veriut por edhe vendet tjera të NATO-s, kanë qenë temë e bisedimeve të delegacionit qeveritar me përfaqësues të NATO-s.
Në takimin me ekipin e ekspertëve të NATO-s, Ministrat e pranishëm kanë biseduar lidhur me masat e ndërmarra, kurse shërbimet e sigurisë situatën në vend e vlerësojnë si stabile.
Daniela Ilioska, Sekretare për Koordinim të Shërbimeve të Sigurisë: Këto kërcënime vijnë pas ndezjes së agresionit rus në Ukrainë dhe janë kombinim i aktorëve të huaj e të vendit. Të gjitha vendet e botës së lirë përballen me instensitet të shtuar të kërcënimeve hibride. Që nga dita e parë bashkëpunojmë në partneritet me organizatat dhe institucionet ndërkombëtare të sigurisë.
James Appathurai, zv/ndihmës i Sekretarit të Përgjithshëm të NATO-s: RMV-ja përballet me sulme hibride të qëllimshme dhe cinike. Por si anëtare e NATO-s, nuk përballet e vetme në këtë sfidë, por është pjesë e familjes së demokracive që janë bashkë dhe mbështesin njëra-tjetrën. NATO dhe aleatët tashmë ndajnë informacione dhe mundësojnë mbështetje teknike. Gjatë qëndrimit tim kemi diskutuar hapat e ardhshme për të përforcuar sigurinë kibernetike dhe të përforcohen mekanizmat për aksione efektive të qeverisë.
Ndryshe, Maqedonia e Veriut, që nga tetori i vitit të kaluar përballet me alarme të rreme për bomba.
Nga tetori i vitit të kaluar deri në mars të këtij viti janë kontrolluar 862 lokalitete në Shkup, janë angazhuar mbi 2.500 zyrtarë të policisë kurse janë harxhuar mbi 5 milion denarë.
Në shënjestër të sulmeve kibernetike kanë qenë edhe institucione publike, por edhe Ministri të ndryshme./klanmaqedonia
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...
Për 300 vende të hapura për rekrutë të rinj, kanë aplikuar 1...