Stoltenberg: Deri më 15 shkurt Athina dhe Shkupi duhet të ratifikojnë marrëveshjen e Prespës

15:58 | 2 Janar 2019
Arbresh.info

“NATO pret që deri më 15 shkurt Parlamenti i Maqedonisë dhe Greqisë të përfundojnë procedurat rreth marrëveshjes së Prespës”.

Këtë e ka theksuar sekretari i përgjithshëm i NATO-s Jens Stoltenberg, në letrën e dërguar për të dy vendet sipas gazetës greke “Kathimerini”, duke shtuar se Aleanca pret proces të shpejtë, përcjell Telegrafi Maqedoni.

Sipas gazetës greke, këtë ditëve të fundit e ka theksuar edhe zëdhënës i Qeverisë së Greqisë Dimitris Tzanakopoulos, i cili ka thënë se më 18 janar Alexis Tsipras do të sjell vendim kur marrëveshja e Prespës do të sillet para Kuvendit për ratifikim.

Ndryshe, faza e fundit për ratifikimin e marrëveshjes në Kuvendin e Maqedonisë pritet të fillojë të mërkurën e ardhshme, kur edhe është caktuar seancë kuvendore për propozim-ndryshimet kushtetuese.

Shpërndaje në rrjete sociale

Lajmet më të lexuara

Të ngjashme

Foto lajm