Google ADS

Stevo Pendarovski kandidat i përbashkët i LSDM-së dhe BDI-së

22:04 | 1 Mars 2019
Arbresh.info

Stevo Pendarovski do të jetë kandidati i përbashkët i LSDM-së dhe BDI-së në zgjedhjet presidenciale. Kështu u njoftua sot pas takimit të përbashkët mes LSDM-së dhe partnerëve të koalicionit dhe partitë e tjera të cilat japin mbështetje për kandidatin e përbashkët presidencial.

“Të nderuar qytetarë u bashkuam sërish të gjithë, maqedonas, shqiptarë, romë vllahë dhe të gjithë të tjerët. Për herë të parë në historinë e Maqedonisë, të ndryshmit mbështesin kandidat të përbashkët, Stevo Pendarovski do të jetë kandidati jonë i përbashkët, mik i të gjithëve. Le të rrojë bashkësia jonë me presidentin tonë të ardhshëm Stevo Pendarovski”, tha mes tjerash kryeministri Zaev.

Kryeministri dhe lider i LSDM-së, Zoran Zaev dhe lideri i BDI-së, Ali Ahmeti arritën marrëveshje për kandidatin e përbashkët presidencial, i cili sipas deklaratës së kryeministrit do të mbështetet nga gjithsej 31 parti mes tyre edhe nga Alternativa dhe PDSH-ja.

Shpërndaje në rrjete sociale

Lajmet më të lexuara

Të ngjashme

Foto lajm