“Imuizimi është një nga procedurat më të suksesshme dhe më efikase shëndetësore dhe këtë shumë herë e ka dëshmuar historia. Për këtë shkak, them se askush, e posaçërisht një punonjës në shëndetësi, nuk duhet të dyshojë në atë nëse vaksinimi është hapi i duhur për mbrojtje të shëndetit publik, por edhe për shkatërrimin e pandemisë Covid-19”.

Këtë e deklaroi prof. dr. Kalina Grivçeva Stardellova, kryetare e Odës së mjekëve, e cila si pjesë e profesionistëve shëndetësorë, e angazhuar në një nga kovid-qendrat, e mori dozën e parë të vaksinës.

“Pandemia me virusin Kovid-19 është përkujtim se sëmundjet infektuese janë kërcënim serioz, i cili nuk njeh kufi, ndërsa imunizimi është arma më e fuqishme në luftën me to. Nuk ekziston teknologji tjetër më efikase mjekësore, e cila e ka avancuar shëndetin e njeriut, siç atë e bëjnë vaksinat. Vaksina është e rëndësishme për mbajtjen e shëndetit të punonjësve shëndetësorë, shëndetin e qytetarëve, por edhe për qëndrueshmërinë e sistemeve shëndetësore dhe për këtë shkak nuk pata kurrfarë dyshimi se duhet të vaksinohem”, deklaroi Grivçeva Stardellova, e cila ka shprehur besim se shembulli i saj personal do të jetë inkurajim për punonjësit e tjerë shënderësorë që të imunizohen.

Oda ekonomike, si anëtare e Komitetit të përhershëm të mjekjëlve evropianë (SRME) përmes promovimit të Manifestit të publikuar nga Koalicioni për imunizim, u ka bërë thirrje të gjithë profesionistëve shëndetësorë që të vaksinohen kundër Kovid-19. Dokumenti, siç thuhet, potencon tre shkaqe kyçe, për të cilat çdo punonjës shëndetësor menjëherë sa të ketë mundësi, duhet të vaksinohet kundër Kovid-19 për shkak se mbrohet nga sëmundja dhe nga komplikacionet e mundshme të vështira për jetë, pasi vaksinat kundër Kovid-19 janë të sigurta dhe efikase dhe për shkak se në këtë mënyrë ndihmon për ruajtjen e kapaciteteve shëndetësore.

Oda ekonomike, së bashku me Odën Stomatologjike dhe Odën farmaceutike, në kuadër të Memorandumit për bashkëpunim, të cilin tanimë e kanë nënshkruar, në periudhën që vijon do të paraqiten me aktivitete të përbashkëta për afirmimin e vaksinimit kundër Covid-19.