Sot, qytetarët duhet t’i shpenzojnë paratë që i kanë në kartelat e tyre pagesore vendore.

Ajo që do të mbetet në kartelë deri nesër do të kthehet në arkën e shtetit. Bankat i dërguan Ministrisë së Financave informacionet e fundit, ku mund të shihet se deri javën e kaluar, të gjitha kartat e shtypura nuk kanë arritur tek qytetarët. Pra, nga gjithsej 333.674 kartela, duke përfunduar me datën 7 të këtij muaji, 23.576 qytetarë nuk i kanë marrë kartelat e tyre pagesore.

Ministria e Financave: Gjithsej 333.674 kartela; të tërhequra; 310.121 kartela; të shpenzuara 27 milion euro.

Nga Ministria e Financave për “Alsat” sqaruan se pas përfundimit të ditës së sotme do të dihet se sa prej kartelave janë përdorur dhe sa para janë shpenzuar. Për ta, mos marrja e kartave nga qytetarët ndodh është për arsye të ndryshme. Disa janë jashtë vendit, dhe disa thjesht vendosën të mos i marrin ato. Qytetarët shpenzuan shumicën, ose 89 për qind, të parave të marra nga shteti për të blerë produkte në markete, pesë për qind në restorante dhe qebaptore, dhe vetëm tre për qind në dyqanet e tekstileve dhe veshjeve. Kartela pagesore ishte pjesë e grupit të tretë të masave ekonomike për të luftuar pandeminë, por hasi në reagime nga publiku dhe ekspertët ekonomikë si një masë e parashikuar në kohën kur po zhvilloheshin zgjedhjet në vend.