Sllovenia pezullon kontrollet e ashpëra kufitare, shkak kaosi në trafik

23:30 | 8 Prill 2017
Trina Galanxhi

Sllovenia ka deklaruar se do të pezullojë përkohësisht kontrollet e ashpëra kufitare, sipas rregullores së BE-së, që për synim kanë kapjen e luftëtarëve të dyshuar islamikë që kthehen nga Iraku dhe Siria.

Ky vendim është marrë pasi qindra autobusë dhe makina janë bllokuar në kufi me Kroacinë, transmeton portali arbresh.info.

Bojan Tomc, një zëdhënës i policisë nga Novo Mesto, afër kufirit me Kroacinë, ka deklaruar se ‘është pezulluar kontrolla për qytetarët e BE-së, ndërsa vazhdon kontrolla nga vendet e treta’.

Sllovenia kontrollon 670 kilometra të kufirit të jashtëm të BE-së me Kroacinë dhe ka qenë pikë tranziti për emigrantët dhe refugjatët që përmes rrugës së Ballkanit përpiqeshin të hynin në vendet e BE-së./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm