Kryetarja e Komunës së Preshevës, Ardita Sinani, theksoi rëndësinë e subvencionimit për bujqit dhe blegtorët nga Lugina e Preshevës, duke e konsideruar këtë veprim si një mbështetje të vazhdueshme nga Qeveria e Kosovës për zhvillimin e potencialit kombëtar.
Ajo theksoi se kjo ndihmë financiare nxit rritjen e kapaciteteve, duke përfshirë agroturizmin si një element të rëndësishëm për zhvillimin e bujqësisë dhe blegtorisë, shkruan Arbresh.info.
“ Kjo mbështetje nuk është vetëm ndihmë financiare, por edhe një nxitje për rritjen e kapaciteteve tona, duke përfshirë këtu edhe agroturizmin, i cili lidhet ngushtë me zhvillimin e bujqësisë dhe blegtorisë”, ka shkruar Sinani në Facebook.
Sinani shprehu mirënjohjen ndaj kryeministrit Albin Kurti për angazhimin e tij në kthimin e ideve në veprime konkrete për Luginën e Preshevës.
Ajo theksoi se mbështetje e tillë jo vetëm që ndihmon sektorin bujqësor dhe blegtoral, por gjithashtu krijon mundësi për zhvillimin e agroturizmit dhe rritjen e ekonomisë lokale, duke promovuar Luginën e Preshevës si një destinacion unik.
“Faleminderit Qeverisë së Republikës së Kosovës për këtë përkrahje të madhe, e cila jo vetëm që ndihmon bujqësinë dhe blegtorinë, por krijon edhe mundësi të reja për zhvillimin e agroturizmit, duke rritur ekonominë lokale dhe promovuar potencialin e Luginës së Preshevës si një destinacion unik”, ka shkruar tutje Sinani./Arbresh.info/
Çeki-Shqipëri, kush nga kuqezinjtë rrezikon ndeshjen e radhë...
Formacionet zyrtare: Sylvinho me skemë interesante për përba...
Koreja e Veriut akuzon Korenë e Jugut për lëvizjet e dronëve...
Ministria e Mbrojtjes: Maqedonci nuk dorëhiqet dhe nuk plani...
Zyrtarisht rriten pensionet, ky është vendimi i qeverisë
BE-ja miraton agjendat e reformave të Kosovës dhe katër shte...