Google ADS

Shtetasi i Shqipërisë arrestohet në “Tabanoc”, dyshohet për kontrabandë me emigrantë

11:57 | 12 Mars 2022
V. S.

Nga Ministria e Punëve të Brendshme e RMV-së njoftojnë se dje rreth orës 21:30 në një motel afër një pompe të benzinës në Tabanoc është arrestuar 35-vjeçari B.E., shtetasi i Shqipërisë.

Ai dyshohet se me veturën e tipit “Ford Mondeo” me targa të Shkupit ka kontrabanduar emigrantë.

“Përkatësisht, rreth orës 21:15 në rrugën e vjetër për në fshatin Tabanoc, në dalje të rrugës që çon deri tek disa objekte të braktisura në fshatin Reçicë, nga zyrtarët policorë është vërejtur se vetura ishte ndalur dhe se disa emigrantë ishin drejtuar për në Tabanovska Reka. Pas kontrollit në terren, rreth orës 23.30 janë gjetur 8 emigrantë, nga të cilët 5 nga Pakistani, 2 nga Mali dhe 1 nga Somalia”, thuhet në njoftimin e MPB-së./telegrafi/

Shpërndaje në rrjete sociale

Lajmet më të lexuara

Të ngjashme

Foto lajm