Shpërthen një bombolë gazi në një banesë kolektive në Ohër

17:25 | 9 Gusht 2017
Arbresh.info

Një person është lënduar nga eksplozivi që shpërtheu mbrëmë në një banesë në Daljan të Ohrit.

Eksplozivi ka ndodhur rreth orës 23:00, në katin e parë të një banese te rruga ‘Sateska’, e cila ka ardhur deri në shpërthimin e fuqishëm ku ka shkaktuar dëme materiale të objektit dhe veturës që ka qenë e parkuar në afërsi, si dhe shqetësim te banorët e banesës kolektive. Pas shpërthimit, në vendngjarje ka arritur edhe ekipi i Njësitit territorial kundërzjarrit e cila e ka shuar zjarrin. Po ashtu në vendngjarje ka arritur edhe policia për inspektim, e cila ka vlerësuar se bëhet fjalë për eksploziv të bombolës së prishur të gazi. Përndryshe, i lënduari është transferuar në Spitalin e përgjithshëm në Ohër, ku i janë konstatuar lëndime të lehta trupore. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm