Republika e Maqedonisë së Veriut nuk është e gatshme të fillojë bisedimet për anëtarësimin në BE, pasi Qeveria në Shkup po përpiqet të mos zbatojë Marrëveshjen me Bullgarinë për më shumë se tre vjet, tha zëvendëskryeministri bullgar dhe ministër i Mbrojtjes Krasimir Karakaçanov.
Sipas tij, përparim nuk është bërë në asnjë nga pikat e kësaj Marrëveshjeje, të nënshkruar më 1 gusht të vitit 2017.
“Nuk mund ta kuptoj pse disa vëzhgues të jashtëm ndërhyjnë. Bullgaria nuk aplikon për anëtarësim. Bullgaria është shtet anëtar, Maqedonia aplikon për anëtarësim në BE dhe duhet të jetë e qartë se detyrimet që ka marrë me marrëveshjet e lidhura, siç është Marrëveshja e Shkupit e 1 gushtit të vitit 2017, duhet të respektohen. Në Maqedoni, megjithatë, duket se ekziston dhe vazhdon të ekzistojë ideja që dikush do të bëjë presion mbi Bullgarinë në minutën e fundit dhe se Bullgaria do të dorëzohet”, deklaroi Karakaçanov në një intervistë me emisionin “Bruksel 1” në AV TV.
Siç transmeton BGNES, ai pranon se ka përpjekje për të “bindur Bullgarinë në një mënyrë apo mënyrë tjetër” të lëshojë pe, por sipas tij, ajo po mbron interesin e saj kombëtare.
Sipas Karakaçanovit, vendi që tani është kandidat për anëtarësim po “sillet në mënyrë agresive” duke treguar “pretendime të dukshme ndaj Bullgarisë – për pakicat, vjedhje të historisë, gjuhë urrejtjeje kundër Bullgarisë”.
“Imagjinoni Shkupin nesër në BE – kush do të përfitojë nga kjo? “Bullgaria patjetër do të humbasë nëse ka një fqinj si Maqedonia, e cila është anëtare e NATO-s dhe BE-së dhe ka një ton dhe sjellje të tillë,” tha Karakaçanov.
Sa i përket propozimit të tij për të lidhur aneks të Marrëveshjes së fqinjësisë së mirë nga viti 2017, Karakaçanov tha se duhet të ketë një dokument të shkruar sepse, siç thekson, ai “nuk beson në deklaratat e politikanëve të Shkupit”.
“Nëse i lëmë tani, ata do t’i kenë këto pretendime përsëri nesër. Dhe pastaj, si anëtare e BE-së, do të krijojnë problem serioz”, thotë Karakaçanov.
Ai parashikon që vetoja bullgare për kornizën e negociatave do të jetë një “dush i ftohtë” për vendin.
“Shpresoj që ky dush i ftohtë t’i bëjë ata të lënë iluzionet, të vetëdijesohen dhe të ulen në tryezë dhe me dialog të sinqertë si njerëz që kanë histori të përbashkët dhe flasin të njëjtën gjuhë. Unë pres që të jetë kështu. Nëse jo – nuk ka problem, nuk po nxitojmë. Ata 28 vjet kishin kontest me Greqinë. Ne jemi gati për bisedë kaq të gjatë”, tha Karakaçanov./tv21
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...