Për të përshpejtuar rritjen ekonomike, siç raportohet në raportin e Bankës Botërore “Ballkani Perëndimor – Rritja e Rritjes dhe Motivet e Prosperitetit”, vendet e rajonit duhet të angazhohen në tregjet rajonale dhe globale, gjithashtu të rrisin edhe punësimin.

Për Ballkanin Perëndimor janë identifikuar katër prioritete të përbashkëta, si: rritja e stabilitetit makroekonomik, heqja e barrierave ndaj punësimit, forcimi i mjedisit për biznes edhe në sektorin privat, përmisimi i institucioneve qeverisëse dhe reforma në sektorin publik, shkruan “Danas”, transmeton portali arbresh.info

Në këtë raport, Banka Botërore krahasoi gjashtë shtete të ish-Jugosllavisë që nuk janë ende në BE, përfshirë edhe Shqipërinë, me vendet e Bashkimit Europian, por mbi të gjitha me një grup prej shtatë vendesh si, Bullgaria, Kroacia, Estonia, Letonia, Lituania, Sllovakia dhe Sllovenia.

Shumica e vendeve të lartëpërmendura, pas rënies së Murit të Berlinit, ishte në një situatë më të keqe se vendet e Ballkanit Perëndimor. Edhe pse me një pozitë më të mirë fillestare në vitin 1989, vendet e rajoni kanë arritur nivelin e zhvillimit të këtyre shtatë vendeve që nga viti 1996, thuhet në raport.

Me ritmin e rritjes ekonomike, rajoni i Ballkanit Perëndimor shënoi një rritje rekord vjetore prej 5.6 për qind, që ishte më pak se mesatarja e këtyre shtatë vendeve, që u rrit me një normë prej 5.9 për qind, por më shumë se mesatarja e BE prej 2.2 për qind. Nga viti 2008 deri në vitin 2015, rritja mesatare vjetore ekonomike e rajonit ra vetëm në 2.4 përqind.

Një problem i madh për anëtarësimin e vendeve të rajonit në BE është papunësia e madhe. Në këto gjashtë vende, vetëm 40 për qind e njerëzve të aftë për punë punojnë, ndërsa në ekonomitë e krahasueshme është më shumë se 50 përqind.

Si shkak i punësimit të ulët në Bankën Botërore, rajoni shihet si një treg joefikas i punë.  Në raport janë theksua edhe  taksat e larta dhe kontributet me paga të ulëta./arbresh.info/