Serbia ndalon hyrjen e qytetarëve nga disa vende

00:16 | 10 Mars 2020
Trina Galanxhi

Presidenti i Serbisë, Aleksandër Vuçiq, ka njoftuar sonte se për shkak të Coronavirusit ky vend ka marrë vendim që të ndalojë hyrjen e përkohshme të qytetarëve të disa vendeve.

“Do të marrim masa dhe do të ndalojmë hyrjen nga vende të caktuara apo zona që janë kërcënim për një periudhë të shkurtër kohore”, ka thënë Vuçiq, raporton Tanjug.

“Këto vende janë, pjesa veriore e Italisë, disa pjesë të Zvicrës, Korea e Jugut dhe disa krahina të caktuara të Kinës si dhe qytetarët nga Irani”.

Italia ka marrë vendim që të vendosë të gjithë vendin në karantinë, ndërsa në Shqipëri numri i të infektuarve ka shkuar në gjashtë./zyrtare/

Shpërndaje në rrjete sociale

Lajmet më të lexuara

Të ngjashme

Foto lajm