Serbi, rritet përqindja e qytetarëve që duan anëtarësimin në BE

19:34 | 28 Gusht 2018
V. S.

Në Serbi rreth 55% e popullsisë është në favor të aderimit të vendit në BE, krahasuar me 21% kundër, theksoi ministrja për Integrimin Europian, Jadranka Joksimoviç, sipas një sondazhi periodik të kryer nga departamenti i saj.

Joksimoviç tha se ishte i kënaqur me rritjen prej 3% pro hyrjes në Bashkimin Europian në gjysmën e dytë të vitit 2017 duke patur parasysh se në dy vitet e fundit përqindja e favorshme për BE varionte midis 42 dhe 47.

Për Joksimoviçin, studimi më i fundit tregon një rritje të shkallës së maturimit të qytetarëve serbë dhe vetëdijes rreth procesit të integrimit europian.

Sipas saj, përfitimet më të mëdha që popullata i sheh me anëtarësimin e mundshëm është një e ardhme më e mirë për rininë, mundësi për vende të reja pune dhe liri qarkullimi brenda BE-së, përcjell Atsh.

Nga studimi u vu re vëmendja e qytetarëve në luftën kundër korrupsionit, reformën në sistemin shëndetësor, shtetin e së drejtës dhe mbrojtjen e mjedisit./ /os/ a.jor./ATSH/

Shpërndaje në rrjete sociale

Lajmet më të lexuara

Të ngjashme

Foto lajm