Për anëtarësimin e Serbisë në Bashkimin Evropian në referendum do të votonin mbi 55% e qytetarëve, 21% do të ishin kundër, ndërsa 12% nuk do të votonin fare ose nuk e dinë se si do të votonin, tregon një anketë që ka realizuar Ministria e Integrimit Evropian e Serbisë.
Në njoftimin e saj thuhet se mbështetja e qytetarëve për reforma, ashtu si edhe viteve të kaluara, është shumë e lartë, transmeton Shërbimi i Ballkanit i Radios Evropa e Lirë.
Nga gjithsej numri i të anketuarve, 68% konsiderojnë se reformat, të domosdoshme për anëtarësimin e Serbisë në BE, duhet të realizohen edhe pavarësisht kësaj, për mirëqenien e qytetarëve.
Shumica, përkatësisht 58% e të anketuarve, konsideron se problemet e Beogradit dhe Prishtinës duhet të zgjidhen, pavarësisht nëse një gjë të tillë e kërkon BE-ja ose jo.
Më shumë se gjyma e të anketuarve po ashtu mbështet “vendosmërinë e Qeverisë së Serbisë për të vazhduar dialogun me Kosovën dhe gatishmërinë e saj që në këtë mënyrë të arrihet deri te zgjidhje të qëndrueshme”.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...