Kreu i Aleancës së Shqiptarëve, Ziadin Sela, tha të premten se është shumë e rëndësishme nëse ka një marrëveshje në mes Maqedonisë dhe Greqisë për të përdorur atë moment dhe për të hapur rrugën e Euro-Atlantikut të Republikës së Maqedonisë.

Për qëndrimet tona tjera, duhet të mbledhim organet e partisë, duhet të konsultohemi me ekspertët tanë dhe ju do të keni qëndrimin tonë për këtë çështje. Maqedonia është një shtet laik dhe me çdo kusht duhet të mbahet. Nëse tashmë kemi probleme që datojnë nga shekulli i tretë para erës sonë, nuk duhet të kthehemi në shekullin e nëntë para erës sonë” tha Sela, përcjell Telegrafi Maqedoni

Ndërsa kreu i lëvizjes Besa, Bilall Kasami, tha të hënën në Ohër se ende nuk kanë marrë informata zyrtare rreth zgjidhjes së propozuar të emrit.

“Pozita zyrtare e BESA-s është të pasqyrojë emrin mbi realitetin e shoqërisë në shtetin e Maqedonisë, i cili është karakteri multietnik dhe shumë-konfesional. Çdo emër tjetër nuk përfaqëson të gjithë qytetarët e Republikës së Maqedonisë. Personalisht, mendoj se ky emër duhet të mbetet, gjithçka tjetër duhet të jetë një marrëveshje e re me të gjithë”, tha Kasami.