Deputeti i pavarur Skender Rexhepi paralajmëron se do të votojë për shkarkimin e ministrit të Shëndetësisë, Bekim Sali, por, siç tha, jo edhe për ministrat dhe zëvendësministrat e tjerë, që janë pjesë e Propozimit për rikonstruimin e Qeverisë, për të cilën çështje dje filloi debati në Kuvend.
Rexhepi, i cili pasi e braktisi Alternativën vepron si deputet i pavarur, ai vlerësoi se e keqja më e madhe që u është bërë strukturave të Alternativës është mungesa e vullnetit politik.
“Unë do të votoj për shkarkimin e ministrit të Shëndetësisë pa dyshim, pasi e keqja më e madhe që u është bërë strukturave të Alternativës, është mungesa e vullnetit politik. Ministrat e tjerë asnjëherë nuk do t’i votoj për shkarkim”, tha Rexhepi.
Ai paralajmëroi se do të ketë takim me kryeministrin Dimitar Kovaçevski, me të cilin do të bisedojë rreth pikës për hetim ndërkombëtar. Alternativa, siç tha, asnjëherë nuk ka kërkuar nga Qeveria hetim ndërkombëtar për rastet e montuara, që ishin pika kryesore e marrëveshjes për koalicionin qeveritar midis Alternativës dhe LSDM-së.
Flick i lumtur me fitoren, por përmend një gjë që si pëlqeu ...
Tërmet me magnitudë 5.8 në Indonezi
MINT organizon konferencë për Ditën Botërore të Standardeve,...
Zgjedhjet presidenciale në Moldavi, drejt balotazhit
Prezantohet sot raporti final për barazinë gjinore 2020-2024...
Horoskopi ditor, parashikimi i yjeve për shenjën tuaj