Qeveria e Maqedonisë do t’i paguajë testet PCR për turistët e huaj

20:20 | 20 Prill 2021
A. B.

Zëvendëskryeministri për Çështje Ekonomike, Fatmir Bytyqi duke u përgjigjur në pyetje të gazetarëve në lidhje me Paketën e gjashtë tha se Qeveria e Maqedonisë do të mbulojë PCR testet për turistët potencial të huaj që do të vizitojnë Maqedoninë.

“Kjo do të bëhet në bashkëpunim me Institutin për Shëndet Publik, Fondit për Shëndetësi dhe Ministrisë së Shëndetësisë, për shkak se vetëm institucione kredibile publike mund të zbatojnë PCR testim në mënyrë të këtillë me numër të madh, aq sa kemi paraparë”, tha Bytyqi.

Ai pret rreth 50 mijë turistë potencial në Maqedoninë e Veriut gjatë gjithë vitit 2021.

Paketa e gjashtë ekonomike, siç theksoi zëvendëskryeministri Bytyqi, kushton 17.8 milionë euro që do të mbështesë rreth 10 mijë kompani dhe 60 mijë të punësuar./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm