Qindra maqedonas, sonte në Shkup kanë protestuar siç thonë kundër të pranimit të platformës shqiptare nga lideri i Lidhjes Social Demokratike të Maqedonisë (LSDM), Zoran Zaev.
Qytetarët e tubuar në organizim të iniciativës “Për Maqedoni të përbashkët”, thonë se bëhet fjalë për ruajtjen dhe mbrojtjen e unitetit të Republikës së Maqedonisë, kryesisht për mbrojtën e gjuhës maqedonase, e cila është rrënja e mbijetesës dhe identitetit të popullit maqedonas.
Ata kërkojnë nga liderët politik që prioritet të kenë interesat kombëtare dhe shtetërore, si dhe të mos pranojnë që platformat e arritura jashtë Maqedonisë, të ndikojnë në politikën e brendshme të këtij vendi.
Ndryshe, pasditen e sotme lideri i LSDM-së, Zoran Zaev ia dorëzoi presidentit Gjorgje Ivanov, nënshkrimet e nevojshme për formimin e qeverisë së re, ndërsa nga kabineti i presidentit njoftuan se pas parashtrimit të dëshmisë, pritet që Ivanov të marrë vendim për dhënien e mandatit në ditët në vijim.
Skip to content
