Presidentja kroate: Gjykimi i Mlladiçit lehtësi për familjet e viktimave

15:49 | 22 Nëntor 2017
Arbresh.info

Presidentja e Kroacisë, Kolinda Grabar – Kitraoviq ka thënë se gjykimi nga Tribunali Ndërkombëtar i Hagës për ish gjeneralin serb Ratko Mlladiç do të jetë një kënaqësi e pjesshme për familjet e të vrarëve, të torturuarve dhe ata që janë të zhdukur.

Ajo ka shprehur keqardhje, duke përmendur krimet e kryera edhe në Kroaci, shkruan Tanjug.

“E di se kjo nuk i kthen jetët e mijëra njerëzve që brutalisht janë vrarë në Srebrenicë dhe kudo në Bosnjë dhe po ashtu në Republikën e Kroacisë”.

“Më vjen keq që ai nuk ka dalë përgjegjës për krimet e kryera në Kroaci, dhe veçanërisht në Shkabërnjë dhe vende tjera”, ka thënë Kitraoviq para gazetarëve.

Shpërndaje në rrjete sociale

Lajmet më të lexuara

Të ngjashme

Foto lajm