Politikani proserb, Andrija Mandiq, zgjidhet kryetar i Kuvendit të Malit të Zi

18:20 | 30 Tetor 2023
E.H

Andrija Mandiq është zgjedhur kryetar i Kuvendit nga deputetët e Malit të Zi.

Mandiq u zgjodh në vazhdimin e seancës konstituive të Kuvendit nga korriku, shkruan Vijesti transmeton Arbresh.info.

Në votimin e fshehtë, 49 deputetë votuan për zgjedhjen e Mandiqit, ndërsa asnjë votë kundër.

Mandiq është drejtues i koalicionit “Për të ardhmen e Malit të Zi”, si dhe njihet si politikan proserb.

Pas kryetarit, sot do të votohet edhe Qeveria e re e Malit të Zi.

Në votim nuk morën pjesë deputetë nga Partia Demokratike e Socialistëve, Partia Boshnjake, Socialdemokratët, Partia Liberale, Bashkimi Demokratik i Shqiptarëve, Nisma Qytetare Kroate dhe Lëvizja Qytetare URA.

Shpërndaje në rrjete sociale

Lajmet më të lexuara

Të ngjashme

Foto lajm