Google ADS

Policia e Tetovës çohet në këmbë: Kontrollon çdo veturë në dalje të Tetovës

00:37 | 6 Prill 2018
Trina Galanxhi

Pas incidentit të armatosur në Reçicë të Vogël, ku mbeti i vrarë kumanovari Naip Rexhepi, dhe u plagosën disa persona dhe të cilët po trajtohen në Spitalin Klinik e Tetovës, policia ka nisur aksionin e kontrollit ndaj çdo veture në dalje të Tetovës.

Kontrolli i policisë ndaj çdo makine që del nga Tetova bëhet më qëllim për të kapur të duyshuarit e involvuar në incidentin e armatosur.

Sipas informatave policore janë arrestuar personat me iniciale B.R. nga Kumanova dhe L.B. shtetas i Shqipërisë.

Nga Prokuroria Publike ende nuk e dijnë shkakun e incidentit të armatosur dhe thonë se po punojnë për të sqaruar ngjarjen.

“Në aksionin e organizuar e prokurorisë dhe Ministrisë së Brendshme, dy persona pjesëmarrës në të shtënat që me automjet ishin nisur për në Shkup janë privuar nga liria”, thonë nga Prokuroria Publike.

Nga atje thonë se një prokuror kompetent publik nga Tetova po kryen inspektim në vendin e ngjarjes së bashku me një ekip të Ministrisë së Brendshme.

Shpërndaje në rrjete sociale

Lajmet më të lexuara

Të ngjashme

Foto lajm