Policia e Maqedonisë do të kontrollojë nëpër shtëpitë private ku ka festime dhe takime

09:05 | 20 Mars 2020
Arbresh.info

Qeveria e Maqedonisë së Veriut e obligoi Ministrinë për Punë të Brendshme të intensifikojë kontrollet nëpër shtëpi private ku organizohen festime dhe takime, me qëllim që të ndalojë mbajtjen e tyre.

“Obligohet Ministria për Punë të Brendshme të intensifikojë kontrollet nëpër shtëpi private dhe vula ku organizohen festime dhe takime, me qëllim që të ndërmerren masa për parandalimin e këtyre tubimeve”, thuhet në vendimin e Qeverisë, njofton Telegrafi Maqedoni.

Sipas këtij vendimi, ndaj pronarëve të objekteve dhe personave që ndodhen brenda do të ndërmerren masa për mosrespektim të masave dhe rekomandimeve nga Qeveria për parandalimin e Covid -19.

Qeveria gjithashtu obligoi MPB-në, që nëse është nevoja, të përpunojë rregulla me fuqi ligjore, ku do të miratohet vendimi për ndalim prej 14 ditësh për mbajtjen e ligjëratave dhe trajnimeve dhe testimeve në autoshkolla.

Shpërndaje në rrjete sociale

Lajmet më të lexuara

Të ngjashme

Foto lajm