Google ADS

Plenkoviq: Do të përpiqemi të heqim bllokadën e bisedimeve të Maqedonisë së Veriut dhe Shqipërisë me BE-në

23:15 | 2 Janar 2020
Arbresh.info

Kryeministri i Kroacisë, Andrej Plenkoviq sot deklaroi se një nga temat aktuale politike të kryesimit kroat në BE do të jetë edhe Samiti i Ballkanit Perëndimor në muajin maj që do të mbahet në Zagreb e që ka për qëllim përshpejtimin e dinamikës së zgjerimit.

“Në konsultimet tona do të përpiqemi të apo të debllokojmë atë, që për fat të keq, u vendos në tetor në Këshillin e BE-së”, tha Plenkoviq, përcjell Telegrafi Maqedoni.

Ai thotë se duhet të gjendet mënyrë se si të nisen bisedimet me Shqipërinë dhe Maqedoninë e Veriut.

Ndryshe, Maqedonia e Veriut dhe Shqipëri në tetor të vitit të kaluar nuk morën ftesën nga BE për të nisur bisedimet dhe për t’i hapur kapitujt. Pjesa më e madhe e BE-së ishin për nisje të bisedimeve mirëpo presidenti francez, Emmanuel Macron vendosi veto duke thënë se duhet të ketë kritere të reja për hyrje në BE.

Shpërndaje në rrjete sociale

Lajmet më të lexuara

Të ngjashme

Foto lajm