Përfaqësuesit e UNESCO-s për një muaj do të vijnë në Ohër për të vërtetuar se sa nga rekomandimet e dhëna në qershor janë përmbushur.

Ato janë të rëndësishme për qytetin dhe liqenin për të ruajtur statusin aktual të mbrojtjes nga kjo organizatë botërore. Përndryshe, rajoni i Ohrit do të renditet në listën e zezë për zonat e rrezikuara. Një delegacion shtetëror në Paris, përfshirë edhe kryetarin e Ohrit, udhëheqësve të UNESCO-s këtë fundjavë u raportuan se çfarë dhe si deri më tani është vepruar, veçanërisht pas aksionit për prishjen e disa ndërtesave të paligjshme.

“Në lidhje me rekomandimin Nr.9, në qershor është përgatitur një Regjistër i ndërtimeve pa leje në periudhën 2006 deri në maj të vitit 2019, shërbimet e inspektimit kanë konstatuar shkelje të Ligjit për Ndërtim dhe kanë miratuar një akt që përcakton se është ndërtim i paligjshëm”, thonë nga Komuna e Ohrit.

Historianët thonë se ndërtesat e reja nuk duhet t’i rrezikojnë objektet me rëndësi historike dhe kulturore.

“Është logjike të kemi një kulturë bashkëkohore të caktuar, por nuk duhet të shkatërrosh të vjetrën dhe të ndërtosh diçka të re mbi të. Ajo që na pengon është nëse një shtëpi e vjetër ose një ndërtesë e vjetër shkatërrohet dhe mbi të ndërtohet diçka moderne”, tha Riste Nikoleski-historian.

Sa i përket ndërtesave ilegale që kanë filluar të hiqen, pothuajse të gjithë pronarët kanë kërkuar që këtë ta bëjnë vetë. Afati për këtë është brenda 20 ditëve të ardhshme./alsat