Google ADS

Pensionistët në Tetovë presin në radhë për të marr pensionet e tyre, nuk respektojnë masat kundër koronavirusit

11:34 | 27 Mars 2020
A. B.

Apelet e shumta për të qëndruar brenda në shtëpi dhe për të mos lëvizur jashtë si duket gjithnjë e më pak arrijnë në veshin e më të moshuarve. Edhe përkundër rrezikut nga grumbullimi i katër e më tepër personave, për tu infektuar me virusin korona, pamjet para bankave në Tetovë janë kështu siç duken në fotografi.

Dhjetëra persona të grumbulluar para dyerve të bankave që presin kryesisht për të marrë pensionet e tyre. Shumica e tyre janë pa maska mbrojtëse dhe pa doreza, për distancën sociale, si duket as që duan t`ia dinë.

Sigurimet e bankave tentonin gjithnjë ti largojnë nga njëri tjetri dhe të krijojnë një radhë si duhet, por me të larguar sigurimi, pamja kthehej sërish dhe muhabeti nuk mungonte. Tema e bisedës së të moshuarve që prisnin para bankave, ishte pikërisht virusi korona dhe kriza që është krijuar nga ai./Alsat/

Shpërndaje në rrjete sociale

Lajmet më të lexuara

Të ngjashme

Foto lajm