Google ADS

Pendarovski: Gjendja e sigurisë në vend është e qëndrueshme

14:11 | 1 Shkurt 2022
V. S.

Në mbledhjen e sotme të Këshillit të Sigurimit të thirrur nga presidenti i shtetit, Stevo Pendarovski, anëtarët njëzëri kanë konstatuar se gjendja politike dhe e sigurisë në vend është e qëndrueshme.

“Në mbledhje biseduam për gjendjen aktuale politike dhe të sigurisë në vendin tonë dhe rajon. Janë sjellë disa konkluzione. Anëtarët e Këshillit konstatuan se gjendja e sigurisë është stabile dhe nuk ka rrezik për integritetin territorial të vendit. Organet e sigurisë janë të gatshme për veprim”, tha Pendarovski.

Sipas Pendaroivskit në mbledhje është diskutuar edhe për tensionin mes Rusisë dhe Ukrainës.

“Maqedonia është e obliguar si anëtare e NATO-s që të bëj përgatitjet, të gjitha përgatitjet, varësisht zhvillimeve në këtë anë të botës. RMV-ja është për t’i dhënë shanse dialogut dhe jo veprimeve tjera ushtarake. Ky vend i botës edhe më tej mbetet zonë e rrezikut”, tha Pendarovski./telegrafi/

Shpërndaje në rrjete sociale

Lajmet më të lexuara

Të ngjashme

Foto lajm