Osmani: Në RMV do të strehohen 750 Afganë

11:15 | 31 Gusht 2021
V. S.

Aeroplani që solli refugjatët e parë afganë në RMV, në Aeroportin e Shkupit ka ardhur nga Gjeorgjia. Ministri I Jashtëm Bujar Osmani tha se janë bërë të gjitha përgatitjet që ata të pranohen në mënyrën më dinjitoze. Ai njoftoi se një grua shtatzënë është dërguar në spital për trajtim mjekësor.

“Të bëhen kontrollet e para shëndetësore, të kenë mbrojtje adekuate shëndetësore, të sigurohet udhqimi dhe të akomodohen në mënyrë përkatëse. Për logjistikën e tyre kujdesen organizata për të cilët ata kanë punuar në Afganistan. Harxhimet mbulohen nga ata. Nëse ka nevojë shteti do të ndihmojë me logjistikë” – ka deklaruar Osmani.

“Bëhet fjalë për qytetarë që u ishte cënuar jeta nga strukturat talibane dhe të cilët u ndihmojmë për t`ua shpëtuar jetët. Ata janë qytetarë që 20 vite kanë punuar për institucione demokratike, misione dhe organizata ndërkombëtare në Afganistan” – kanë njoftuar nga Qeveria. /KlanMacedonia/

Shpërndaje në rrjete sociale

Lajmet më të lexuara

Të ngjashme

Foto lajm