Koordinatori i grupit parlamentar të kësaj partie Nikolla Micevski në intervistë për Radion Evropa e Lirë thotë se çfarëdo nisme do të refuzohej përsëri nga kryeparlamentari Xhaferi.
Micevski shton se OBRM-PDUKM-ja nuk është kundër ndryshimeve kushtetuese por kundër çështjeve të tjera të hapura në Marrëveshjen me Bullgarinë.
“Absolutisht nuk jemi kundër përfshirjes së bullgarëve në Kushtetutë. Ne e kemi thënë qëndrimin tonë. Megjithatë ka shumë çështje në marrëveshje që janë bazë për të gjitha pretendimet asimiluese dhe mohuese të një shteti fqinj ndaj nesh. Le të zgjidhen të gjitha çështjet kontestuese rreth marrëveshjes dhe ne aspak nuk jemi kundër përfshirjes së bullgarëve dhe të popujve të tjerë në Kushtetutë”, tha Nikolla Micevski.
Deklaratën e Micevskit, LSDM-ja e cilëson si kthim shpine ndaj Mickoskit.
“Deklarata e Nikolla Micevskit se OBRM-PDUKM-ja nuk është kundër ndryshimeve kushtetuese dhe përfshirjes së bullgarëve si dhe popujve të tjerë, nënkupton kundërshtim radikal të politikave destruktive të Mickoskit. A është dikush në timonin e anijes që po fundoset?”, thonë nga LSDM-ja.
OBRM-PDUKM-ja ka insistuar që nuk voton ndryshimet kushtetuese meqë pala bullgare ka qasje kushtëzuese dhe shantazhuese me kërkesa hegjemoniste për identitetin maqedonas, në marrëveshjen mes dy palëve.
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?