Një 24-vjeçar në Çair ka gjuajtur një person me armë zjarri

22:52 | 15 Janar 2021
Arbresh.info

Prokuroria Themelore Publike e Shkupit ka ngritur akuza kundër një 24-vjeçari nga Shkupi i cili akuzohet për dy krime – armë mbajtje paleje, si dhe shkaktimi i rrezikut të përgjithshëm.

Sipas informacionit nga prokuroria, më 2 nëntor të vitit të kaluar, i akuzuari pa leje ka mbajtur pistoletë të markës CZ VZ61, si dhe 10 fishekë për atë pistoletë me kalibër 7.65 mm.

Në ditën kritike, në rrugën “Cvetan Dimov” në Çair të Shkupit, ai vuri re një person dhe qëlloi disa plumba drejt tij, duke ndërmarrë kështu qëllimisht një veprim përgjithësisht të rrezikshëm dhe duke rrezikuar jetën e palës së dëmtuar. Tre automjete të parkuara u dëmtuan në këtë ngjarje.

Meqenëse ekzistojnë rrethana që tregojnë rrezikun e arratisjes dhe mundësinë që i akuzuari të përsërisë veprën, prokurori publik kompetent paraqiti propozim në Gjykatën Themelore Penale Shkup për zgjatjen e paraburgimit të caktuar më parë./telegrafi

Shpërndaje në rrjete sociale

Lajmet më të lexuara

Të ngjashme

Foto lajm