Google ADS

Nesër protestohet në Shkup me moton “Të thajmë lotë dhe të shërojmë plagë”

16:34 | 29 Dhjetor 2017
Arbresh.info

“Të thajmë lotë dhe të shërojmë plagë”, është lajmi që përcjell protesta e organizuar për nesër, ku kërkohet që rasti Lagjja e Trimave të rikualifikohet dhe të kthehet në rigjykim, për shkak të siç thonë organizatorët, dhjetëra shkeljeve procedurale.

Organizatorët theksojnë se do të protesojnë derisa të përmirësohen gabimet e shtetit, lidhur me këtë rast dhe me të gjitha rastet e tjera që janë dënuar shqiptarët, që nga viti 2001 e deri më sot.

Kryetari i Shoqatës së të Burgosurve Politik, Shpëtim Pollozhani, tha se për të organizuar këtë protestë janë motivuar nga deklaratat dhe qëndrimet e shumë institucioneve relevante botërore, të cilët kanë vlerësuar se në Maqedoni shkelen të drejtat e njeriut, me theks të veçantë në procedurat paraprake dhe në gjykata.

Këtë protestë e organizon Këshilli i Familjarëve të Rastit Lagjja e Trimave, Shoqata e të Burgosurve Politik, OVL-UÇK e drejtuar nga Besim Hodadhe shumë shoqata të tjera joqeveritare./Shenja

Shpërndaje në rrjete sociale

Lajmet më të lexuara

Të ngjashme

Foto lajm