Google ADS

Nesër fjalët përfundimtare për rastin “Haraçi”

17:48 | 25 Maj 2020
L G

Rasti “Haraçi” nesër do të futet në fazën përfundimtare, ku prokurorja Villma Ruskovska do të thotë fjalët përfundimtare.

Në këtë lëndë të akuzuar janë Bojan Jovanovski “Boki 13” dhe ish-prokurorja Katica Janeva, të cilët dyshohen për marrje ryshfet prej 1.5 milionë euro nga afaristi Orce Kamçev, i cili po ashtu është i akuzuar në rastin “Perandoria” të cilin e hapi PSP, përcjell Telegrafi Maqedoni.

Sipas Prokurorisë, “Boki 13” ka ndikuar tek Katica Janeva, për t’ia lehtësuar ndjekjen penale dhe t’ia shfuqizojë paraburgimin afaristit Orce Kamçev, ndërsa për këtë Janeva ka marrë 50 mijë euro dhe pasuri të patundshme.

Të dy të akuzuarit e kanë mohuar veprën penale, ndërsa i akuzuar ka qenë edhe Zoran Milevski Kiçeec, i cili e ka pranuar fajin dhe u dënua me burg.

Pas fjalëve përfundimtare, pritet që trupi gjykues në këtë lëndë të merr edhe vendim.

Shpërndaje në rrjete sociale

Lajmet më të lexuara

Të ngjashme

Foto lajm