Nënshkruhet deklarata për luftimin e korrupsionit, Hasani: Promovim i qeverisjes së mirë për Shqipërinë

21:19 | 30 Nëntor 2023
E.H

Ministri i Jashtëm i Shqipërisë, Igli Hasani ka nënshkruar sot në Shkup deklaratën e përbashkët për luftimin e korrupsionit në Evropën juglindore.

Sipas Hasanit, luftimi bëhet përmes rikuperimit të aseteve dhe përdorimit të dixhitalizimit, përcjell Arbresh.info.

Përmes një postimi në llogarin e tij në Facebook, Hasani theksoi rëndësin e kësaj përpjekje.

“Ndava të njëjtin mendim me Ministrin Osmani për rëndësinë e kësaj përpjekjeje përballë rreziqeve serioze që paraqet korrupsioni në rajonin tonë. Lufta kundër korrupsionit dhe promovimi i qeverisjes së mirë për Shqipërinë është një prioritet brenda dhe jashtë vendit”, shkroi Hasani.

“Vendimi në Ministerialin e OSBE-së në vitin 2020 në Tiranë për “Për parandalimin dhe luftimin e korrupsionit nëpërmjet dixhitalizimit dhe rritjes së transparencës” është një shtyllë strategjike e dimensionit ekonomiko-mjedisor të OSBE-së”, shtoi Hasani./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm